Ný blanda fallegrar hönnunar, tækninýjunga og þæginda

Nýi Citroën C5 færir framtíðina nær þér. Hannaður eftir kjörorði Citroën, Skapandi Tækni, uppfyllir hann kröfur vandlátra. Sjáðu Citroën. Hvort sem er sem stallbakur eða hlaðbakur, gefur útlit nýja Citroën C5 loforð um gæði og fágun með nútímalegum hliðarsvip með skýrum og þokkafullum línum.

Citroën C5 gerir lífið auðveldara. Öll hönnun C5 er hugsuð út frá því að veita eigandanum fullkomna akstursupplifun og frelsi. Citroën C5 er fyrir meðvitað fólk sem kann að greina kjarnann frá hisminu. Fólk sem kann að meta fágun, fegurð og fagmennsku.

Nýsköpun. Tækni. Hönnun. Nýi Citroën C5 er trúr þessum einkunnarorðum Citroën. Hér er á ferð rúmgóður og traustur fjölskyldubíll sem er ekki búinn að gleyma hvernig á að leika sér. C5 er traustur langferðabíll þegar á þarf að halda en framúrskarandi og nýstárlegt ökutæki framtíðarinnar ef svo ber við. Hann er feti framar en keppinautarnir hvað varðar þokka, þægindi og aksturseiginleika.

Lifandi og afslappaður akstur

C5 gefur orðinu akstursánægja nýja merkingu. Sestu inn í nýja C5 og upplifðu.

Ökumannsrýmið er hannað til að veita ökumanninum yfirsýn og draga fram þá jákvæðu upplifun sem finna má í hreinni akstursánægju. Stjórntæki eru sett þannig upp að sem auðveldast sé að ná til þeirra til að auka enn á akstursgleði og þægindi, en Citroën gengur lengra en aðrir bílaframleiðendur. Stýrið er hannað þannig að miðja þess með ýmsum stjórnhnöppum snýst ekki og þannig verður auðveldara að beina athyglinni að akstrinum sjálfum. Þetta er nútímaleg lausn Citroën. Framúrstefnuleg lausn á hefðbundnu vandamáli.

Vel innréttað ökurýmið styrkir enn frekar þá tilfinningu að hér sé á ferð bíll sem er byggður til að keyra langt og lengi án þess að þreyta ökumanninn.

Ró í farþegarýminu

Farþegarýmið í nýja Citroën C5 er aðlaðandi, rúmt og bjart. Mikil hugsun hefur verið lögð í hvert einasta smáatriði. Ferðalag í C5 er ánægjuleg og afslappandi upplifun fyrir alla.

Það fyrsta sem þú veitir eftirtekt þegar þú sest inn í C5 er algjör ró. Hönnuðir Citroën lögðu hart að sér við að draga úr hávaðamengun eins og mögulegt var. Bíllinn er meðal annars útbúinn hljóðdempurum á yfirbyggingunni, í dyrunum, í loftklæðningu og á undirvagni. Niðurstaðan er sérstaklega hljóðlátt farþegarými sem býður upp á þægilegar samræður eða tónlistarupplifanir, enda hljómtækin ekki af verri endanum.

Citroën C5 er langur, sem gerir hann sérstaklega rennilegan á veginum. Þar fyrir utan er bíllinn útbúinn ABS bremsum með EBD bremsujöfnunarbúnaði og ESP stöðugleikastýrikerfi sem tryggja öruggann akstur við öll akstursskilyrði. Citroën C5 er fólksbíll af bestu gerð sem sameinar góða frammistöðu, stíl, þægindi og tækni fyrirhafnarlaust.

Halogenframljósin eru búin svokallaðri AFS tækni (Adaptive Front Lighting System) sem gerir bílnum kleift að lýsa betur til hliðanna í beygjum. Hægt er að panta bílinn með Xenon beygjuljósum sem bæta lýsingu enn meira í kröppum beygjum og á gatnamótum.

Ennfremur er hægt að fá aukabúnað sem mælir hvort bílastæði er nógu stórt fyrir bílinn.

Öflugar vélar

Citroën C5 fylgir öflug og spennandi vélalína. Þrjár bensínvélar og fjórar dísilvélar og allar dísilvélarnar eru útbúnar smáagnasíu sem fanga heilsuspillandi sótagnir. Dísilbílarnir fást með sex gíra gírkössum, sjálfskiptir eða beinskiptir, eftir því hvað hentar hverju sinni. Ennfremur eru dísilbílarnir með fjarstýringu með tímastilli fyrir miðstöðina. Nýi Citroën C5 býður upp á örugga og lipra aksturseiginleika og þægindi í heimsklassa.

Algjört öryggi

Ekkert var slegið af í öryggismálum Citroën C5. Öll hönnun bílsins var unnin með það í huga að hámarka öryggi allra farþega. Framhlutinn er hannaður þannig að efri og neðri hlutinn taka höggið af hörðum árekstri og eins var yfirbyggingin styrkt á völdum stöðum sem verndar farþega bílsins enn frekar.

Þá er húddið hannað með það í huga að gefa eftir á réttum stöðum ef ekið er á gangandi vegfaranda. Öryggisbúnaðurinn er að sama skapi frábær og tryggir framúrskarandi aksturseiginleika og óvenjulega gott veggrip.

Citroën C5 hefur verið hannaður til að veita fullkomið öryggi allt frá því að koma í veg fyrir að slysin gerist að því að draga sem mest úr skaða ef af þeim verður. Þetta einkennir allan búnað bílsins allt frá þægilegum sætunum sem koma í veg fyrir að ökumaður þreytist á langferðum að fullkomnum öryggisbúnaðinum.

Nýi C5 fæst einnig með afar fullkominni þjófavörn sem nemur hreyfingar í farþegarýminu.

Airdream

Airdream er sameiginlegt merki vistvænustu bíla Citroën. Þar hefur ekki aðeins verið lögð vinna í að þróa vélar sem menga minna heldur er takmarkið að hægt sé að endurvinna alla hluta hans að notkun lokinni. Umhverfisstefna Citroën felst einnig í því að verksmiðjur framleiðandans verða sífellt vistvænni.

Þú ert öruggur í Citroën. Spyrðu um fyrirmyndarþjónustu Brimborgar. Sjáðu Citroën.