Citroën C4 fær visthæfar endurbætur

Citroën C4 mun fá útlitsbreytingu árið 2010 en í millitíðinni hefur franski framleiðandinn gert smávægilegar breytingar á þeim C4 bifreiðum sem nú eru í sölu. Þar á meðal eru sparneytnari og visthæfari bensínvélar og ný Michelin dekk.

Visthæfari vélar í C4

Nýju vélarnar eru af tegundinni VTi 120 hestafla og THP 150 hestafla, sem báðar eru 1,6 lítra. Þær voru þróaðar í samvinnu við BMW og koma til með að bæta sparneytni og minnka útblástur miðað við núverandi C4 vélar. Ný Michelin Energy Saver dekk með lægra mótstöðuafli, auka svo líka á sparneytnina. Citroën C4 fær einnig nýtt útlit eða a.m.k. smá upplyftingu með sveigðari vélarhlíf, nýju grilli og krómuðum línum.

Tæknivæddari og öruggari C4

C4 verður líka tæknivæddari eftir breytingarnar því hann verður útbúinn með evrópska MyWay leiðsögukerfinu, hljóðkerfi með innbyggðu 10 GB hörðu drifi, Bluetooth og USB tengingu. Auk þess eru öryggisatriðin í fyrirrúmi í endurbættum C4, sem búinn verður hraðastilli, veglínuskynjara og bakkbremsu, svo ökumönnum C4 ætti ekki að vera neitt að vanbúnaði.

Nánari upplýsingar

• Greinin í heild