Tvöfaldur Citroën sigur

Citroën Berlingo Multispace hefur verið valin besti fjölnotabíll (multi-purpose vehicle) ársins af tímaritinu 4x4 & MPV Driver. Tímaritið er hið eina sem einblínir á þennan hluta bifreiðamarkaðarins og nýtur mikillar virðingar sem slíkt.

Betri en forverinn á allan hátt

„Það sem hinn upprunalegi Berlingo Multispace kynnti til sögunnar árið 1998 hefur hinn nýji betrumbætt á alla vegu,“ sagði Bob Murray, ritstjóri tímaritsins þegar tilkynnt var um niðurstöður valsins. „Hann er enn hagkvæmari en forverinn og mun betri í akstri. Þetta er fjölskyldubíllinn sem mun geta sinnt þörfum hverrar fjölskyldu.“ Í dómi tímaritsins var bílnum sérstaklega hælt fyrir hversu rúmgóður hann væri ásamt því sem hann þótti vera einstaklega þægilegur í akstri.

Hypnos besti hugmyndabíllinn

En tímaritið lét sér ekki nægja að verðlauna Berlingo Multispace heldur var Citroën Hypnos einnig verðlaunaður sem besti hugmyndabíllinn þetta árið. „Sjaldan hefur hönnun og tækni verið sameinuð á jafn glæsilegan máta og í Hypnos. Þetta er sparneytin glæsikerra sem hreinlega hrópar: Aktu mér,“ sagði fyrrnefndur Bob Murray. Dómnefnd 4x4 & MPV Driver var sérstaklega hrifin af HDi tvinn aflkerfi Hypnos og létu þau orð falla að það væri það eina sem eitthvað vit væri í fyrir Evrópumarkað.

 

Frekari upplýsingar

Nánar um verðlaun 4x4 & MPV Driver