Í kjölfar endurbættra reglna varðandi kostnað og umsvif í heimsrallýinu (WRC) hefur Citroën boðað endurkomu sína árið 2007.

Hækkun á kostnaðarliðum tengdum heimsrallýinu í nóvember 2004 varð til þess að stjórnarformaður PSA Peugeot Citroën, Jean Martin Folz, ákvað að PSA myndi hætta þátttöku í þessari keppni frá og með lokum keppnistímabilsins 2005.

Í kjölfarið leiddu skoðanakannanir í ljós að umrætt heimsrallý er mjög ákjósanlegur vettvangur fyrir PSA til að kynna vörumerki sín og eftir að stjórnendur rallýsins ákváðu að breyta reglum á ný var ákveðið að PSA héldi áfram í þessari vinsælu keppni.

Á keppnistímabilinu á árinu 2006 munu félagarnir Sebastian Loeb og aðstoðarmaður hans, Daniel Elena, halda áfram þátttöku í keppninni en nú sem einkarekið lið.

Citroën mætir sterkur til leiks 2006 með nýjum Citroën C4 WRC.

Citroën hefur náð verulega góðum árangri í heimsrallýinu á undanförnum árum og má sem dæmi nefna að Citroën hreppti heimsmeistaratitil framleiðanda bæði fyrir árin 2003 og 2004 og ennfremur sigruðu ökumenn Citroën 2004 og 2005.