Citroën kynnir dísiltvíorkubílinn Hypnos

Hypnos bíllinn fær afl sitt úr venjulegri 200 hestafla 2.0 lítra túrbódísilvél, sem knýr framhjólin áfram. Aftur í er 50 hestafla rafmótor sem er knúinn nikkel-vetnisrafhlöðu. Citroën segir bílinn eyða um 4,5 lítrum á hundraði og gefa frá sér undir 120 grömmum af koldíoxíði á kílómetra. Þetta eru tölur sem jafnast á við sparneytnasta Citroën bílinn, Citroën C3 með 1.4 lítra dísilvél.
Skiptingin er rafdrifin beinskipting, en venjuleg skipting myndi eyða of mikilli orku.
Citroën DS5 verður fyrsti bíllinn í almennri framleiðslu til að fást með vélalínunni úr dísiltvíorkubílnum. Sama tækni og knýr Hypnos og Citroën DS5 áfram, kemur til með að passa í DS4 bílinn. Citroën hefur ekki útilokað að hinn smærri DS3 verði fáanlegur með hefðbundnu tvíorkukerfi.

Tvíorkukerfi fyrir bæði bensín- og dísilvélar

Frumgerð hefur verið sett upp af færibandi til framleiðslunnar í verksmiðjum PSA í Sochaux í Frakklandi, þar sem nokkrir Peugeot 3008 Hybrid4 þróunarbílar hafa verið byggðir, en þeir eru búnir sömu dísil-rafvélalínunni og Citroën Hypnos.
Citroën hefur líka passað vel upp á að tvíorkukerfin þeirra virki jafnvel með bensín- og dísilvélum og séu hönnuð með hvort tveggja í huga án aukatilkostnaðar.

Stór skref stigin á næsta áratug

Þótt Citroën sé þess fullviss að aksturseiginleikar, sparneytni og útblástur komi til með að batna verulega á þeim tíma sem líði þar til almenn framleiðsla hefjist á dísiltvíorkubílunum, þá verði stóra skrefið stigið með næstu kynslóð sem verði knúin lithium rafhlöðum eins og þeim sem séu nú í Tesla Roadster rafbílnum.

Þetta komi til með að gerast á sama tíma og tengiltæknin komi á markað, sem verði annað risavaxið skref í átt að sparneytnari bílum og minni útblæstri.

Nánari upplýsingar:

• Frétt á vef Autocar