Citroën Berlingo sendibíll ársins í Ástralíu

Sendibíllinn Citroën Berlingo Van var nýlega kosinn Sendibíll ársins í Ástralíu af tímaritinu Delivery, sem er leiðandi tímarit þar í landi og sérhæfir sig í sendi- og flutningabílum. Segir Chris Mullett, ritstjóri blaðsins, að helsta ástæða verðlaunanna sé mikið notagildi og lágur rekstrarkostnaður bílsins.

Lágur rekstrarkostnaður

„Með Citroën Berlingo Van færðu mest fyrir peningana í bíl sem er mjög samkeppnishæfur í sínum flokki á sendibílamarkaðnum. Mikil þægindi fyrir ökumann og farþega, stöðugleiki á vegi ásamt lítilli eldsneytiseyðslu gera bílinn afar ákjósanlegan sem atvinnubíl til flutninga í þéttbýli,“ segir Mullett.

Miklar vinsældir

Citroën Berlingo Van hefur notið mikillar hylli á sendibílamarkaði síðan bíllinn kom á markað 1996. Tæplega tvær milljónir eintaka hafa verið framleidd fyrir markaði um allan heim.

Nánari upplýsingar

• Kynntu þér Citroën Berlingo Van