C5 nú einkanúmer stolts leigubílstjóra á Citroën C5

Citroën C5 er bæði virðulegur og fallegur leigubíll og býður upp á mikil þægindi.

Jónatan Jóhann Stefánsson leigubifreiðastjóri endurnýjaði nýlega leigubílinn sinn úr notuðum bíl frá Brimborg í glænýjan silfurgráan Citroën C5 station. Jónatan er svo ánægður með sína nýju frönsku gæðabifreið og hefur fengið svo jákvæð viðbrögð frá farþegum og félögum að til að setja punktinn yfir i-ið ákvað hann að panta sér einkanúmer. Og hvaða áletrun skyldi hafa orðið fyrir valinu á nýja einkanúmerið? Auðvitað C5!

Nýr Citroën engin tilviljun

Jónatan segir að einkanúmerið hafi slegið í gegn og vakið mikla athygli, en aðalatriðið sé að Citroën C5 sé mjög hentugur í farþegaflutningum og fullkominn leigubíll þar sem hann sé einstaklega rúmgóður og þægilegur í að sitja og með einstaka aksturseiginleika. „Bíllinn er bara einstakur. Hann er sérlega vandaður og þægilegur í akstri, mjúkur og öruggur. Svo er hann líka bæði fallegur og virðulegur“. Jónatan segir það mjög gefandi fyrir sig sem bílstjóra að vera á svo vönduðum bíl og að það auki mjög á alla starfsgleði. „Allur akstur verður líka enn ánægjulegri fyrir farþegana, hvort sem er á lengri eða styttri ferðum“ bætir hann við.

Engin orð til að lýsa bílnum

Rúsínan í pylsuendanum er svo ákaflega rúmgott farangursrými. Jónatan ekur mikið milli Reykjavíkur og Flugstöðvar Leifs Eiríkssonar með komufarþega til landsins eða fólk á leið til útlanda. Hann er því ávallt viðbúinn ef dömur eða herrar hafa verið sérlega dugleg að versla í útlöndum. Það er greinilegt að Jónatan hefur mikla ánægju af því að aka um á svo vönduðum bíl í sínu starfi enda segir hann að lokum: „Ég á eiginlega engin orð til að lýsa þessum bíl. Það er eins og ég sé orðinn þrælástfanginn aftur!“.