Citroën sýnir tæknilega yfirburði í Frankfurt

Á bílasýningunni í Frankfurt, sem nú stendur yfir, má glöggt sjá hve mikla forystu Citroën hefur þegar kemur að nýjungum á öllum sviðum; tækni, öryggi, hönnun og umhverfi.

Minni losun koltvíoxíðs

Þegar t.d. er litið til umhverfismálanna sér þess greinilegan stað í stefnu Citroën því 55% nýrra Citroënbíla hleypa frá sér minna en 140 g af koltvíoxíði á hvern ekinn km og 24% minna en 120 g/km. Markaðshlutdeild Citroën á bílum í Evrópu sem hleypa minna en 141 g/km út í andrúmsloftið er 11% og Citroën hefur selt meira en hálfa milljón bíla sem búnir eru háþróuðum smáagnasíum, sem draga í sig óheilnæmt loft frá vélinni. Sú lausn Citroën heitir DPFS og er einstök á sína vísu.

Fjöldi nýjunga

Í Frankfurt sýnir Citroën fjölda bíla. Í umhverfismálum er kynntur Citroën C4 BioFlex, sem nýtir hvort heldur sem er lífetanóleldsneytið E85 eða bensín. Einnig eru kynntir tveir hugmyndabílar; C-Cactus og C5 Airscape.

 

C-Cactus er fjögurra dyra milliflokksbíll sem væntanlegur er á markað 2010 en hann verður með rafmagnsmótor og lífdíselvél (hybrid HDi). C5 Airscape er rúmgóður lúxusbíll, sem sameinar háþróaða umhverfistækni og munað í akstri. Báðir þessir bílar, C-Cactus og Airscape, sýna glöggt sérþekkingu Citroën á tæknisviðinu og gefa góða vísbendingu um hvert Citroën stefnir á framleiðslusviðinu í framtíðinni.

Nánari upplýsingar

• Lestu nánar um Hybrid Hdi
• Lestu nánar um síukerfið DPFS
• Sjáðu hugmyndabíla Citroën
• Kynntu þér visthæf skref Brimborgar