February 12, 2015

Citroën C4 Cactus frumsýndur laugardaginn 7. mars

Citroën C4 Cactus frumsýndur laugardaginn 7. mars

C4 Cactus frumsýndur

Það gleður okkur að segja frá því að nú er komið að því að frumsýna hin margumtalaða Citroën C4 Cactus. Hann hefur vakið gríðarlega athygli frá því að Citroën kynnti hann fyrst á bílasýningunni í París. Verðlaunin hafa hrannast upp en þau eru orðin 21 nú þegar!

Við bjóðum ykkur að koma og skoða C4 Cactus laugardaginn 7. mars milli kl. 12 og 16 í sýningarsal okkar að Bíldshöfða 8, Reykjavík eða hjá Brimborg Akureyri, Tryggvabraut 5.

Ný hugmyndafræði Citroën

Ný hugmyndafræði Citroën á bak við nýja C4 Cactus mun höfða til margra. Ekkert prjál, einungis hlutir sem skipta máli í dag. C4 Cactus er best lýst með þessum orðum: hagnýt og djörf hönnun, einfaldleiki og lágt verð.

Markmið Citroën var að færa viðskiptavinum meira af því sem skiptir raunverulegu máli með því að nota tækninýjungar og snjalla valkosti til að tryggja fallega hönnun og þægindi í notendavænum og hagkvæmum bíl. Það má segja að þeim hafi tekist ætlunarverkið sitt því móttökurnar hafa verið glimrandi.

C4Cactus_Cout_dutilisation

C4 Cactus svarar spurningum sem brenna á bíleigendum í dag. Hvernig get ég eignast og rekið nýjan bíl? Hvers vegna er ekki framleiddur léttari og sparneytnari bíll? Er ekki hægt að vernda hurðirnar gegn rispum og skellum? Af hverju getur mælaborðið ekki verið notendavænna og stílhreinna? Öllum þessum spurningum er svarað með nýja Citroën C4 Cactus.

21 verðlaun nú þegar!

Meðal verðlauna má nefna „Bíll ársins 2015“ í Danmörku, „Bíll ársins 2015“ á Spáni, „Bíll ársins“ í Króatíu, „Best Hatchback of the year“ frá TopGear Magazine, Besti „Crossover“ frá Next Green Car og „Design of the Year“ frá Fleet World Honours. Nánar um verðlaun C4 Cactus hér.

Verð frá einungis 2.690.000 kr.

Nýr C4 Cactus er á hreint út sagt frábæru verði, eða frá einungis 2.690.000 kr.

C4Cactus_AideConduite

20% lægri rekstrarkostnaður

C4 Cactus er búinn nýjustu kynslóð véla sem eru bæði sparneytnar og léttar. Hann eyðir frá aðeins 3,4 l/100 km og losar einungis frá 89 g/km. Yfirbygging C4 Cactus er einnig létt sem hefur þau áhrif að varahlutir verða fyrir minna álagi, sem aftur leiðir til minna viðhalds. Þegar allt er saman tekið er rekstrarkostnaður Citroën C4 Cactus nærri 20% lægri en rekstarkostnaður annarra bíla í sama stærðarflokki.

Hvað er Airbump®?

Eitt af því sem hefur gert Cactus svona umtalaðan er að hann einfaldlega stingur keppinautana af með notendavænum nýjungum. Airbump® hlífðarklæðningin sem ver lakkið gegn hvimleiðum rispum og skellum er dæmi um eina slíka nýjung. Citroën hefur einkarétt á Airbump® hönnuninni sem felur í sér frábæra blöndu af stíl og hagkvæmni.

C4Cactus_MulticityConnect

Stílhreint innra rými

C4 Cactus hefur fengið mikið lof fyrir stílhreint og notendavænt innra rými sem er laust við kraðak af tökkum. Sjón er sögu ríkari.

C4Cactus_PlancheDeBord

Kynntu þér C4 Cactus betur

Við hvetjum þig til að kynna þér betur nýjan Citroën C4 Cactus með því að smella hér. Eins hvetjum við áhugasama til að koma í reynsluakstur á laugardaginn, 7. mars milli kl. 12-16.

C4_CACTUS_CL_14_002_021 - Copy

15 ára afmælisár Citroën hjá Brimborg

Við byrjuðum árið á frumsýna nýjan C1 og nú er komið að C4 Cactus. 15 ára afmælisár Citroën hjá Brimborg fer heldur betur skemmtilega af stað! Allt um nýja Citroën C1 hér.

NewC1_CouleursAttrayantes