Citroën Ë-C4 100% rafbíl með 54 kWh drifrafhlöðu og varmadælu sem endurnýtir orku fyrir miðstöðina og skilar því framúrskarandi drægni skv. WLTP mælingu eða allt að 420 km á 100% hreinu rafmagni. Citroën Ë-C4 er framdrifinn, frábær í akstri í snjó og er því einstaklega hentugur við íslenskar aðstæður. Citroën Ë-C4 er með 15,6 cm veghæð sem skapar þægilegt aðgengi og þegar inn er komið blasir við einstaklega notendavænt innra rými með breiðum, mjúkum sætum. Snjallmiðstöðin og fjarstýrð forhitun tryggir ávallt heitan bíl þegar lagt er af stað. Taktu þátt í orkuskiptunum strax í dag með Citroën Ë-C4. Keyrðu um á 100% rafmagni!

Varmadæla er mikilvægur búnaður í rafbílum, sérstaklega á Íslandi því varmadælur virka best við -5 til 15°C. Varmadælan endurnýtir orku úr umhverfinu fyrir bæði miðstöð og drifrafhlöðu bílsins sem gerir það kleift að ekki þarf að nota eins mikla orku frá drifrafhlöðunni til að hita eða kæla bílinn. Það getur munað allt að 15% af drægni bílsins hvort varmadæla er í bílnum eða ekki.

Varmadæla er fáanleg sem aukabúnaður í Citroën Ë-C4.

Citroën bílar eru þekktir fyrir þægindi í hæsta gæðaflokki og er Citroën Ë-C4 þar engin undantekning. Innréttingin er einstaklega notendavæn og þægileg. Í YOU grunnbúnaði er snjallmiðstöð með tímastillingu og forhitun sem tryggir ávallt heitan bíl, 10” SD snertiskár í mælaborði, snjallhemlun, ökumannsvaki, hraðastillir, veglínustýring sem aðstoðar við að halda réttri stefnu á vegi og sjálfvirk miðstöð með loftkælingu svo fátt eitt sé nefnt. Láttu þér líða vel í Citroën Ë-C4 100% rafbíl!

Hin byltingarkennda fjöðrun Citroën Ë-C4 er afar einföld en snjöll og áhrifarík og skilar eintaklega mjúkri og skemmtilegri akstursupplifun. Hefðbundinn fjöðrunar- búnaður er byggður upp af gormi og dempara með gúmmípúða í enda fjöðrunar en Citroën bætir við vökvastoppara að ofan og neðan í demparanum sjálfum. Citroën Ë-C4 er sjálfskiptur með 156 hestafla, hljóðlátri rafmagnsvél og 260 Nm togkrafti. Með þessu afli kemst Citroën Ë-C4 frá 0 upp í 100 km/klst á 9,2 sekúndum. Citroën Ë-C4 er með þremur aksturstillingum; Eco, Normal og Sport. Komdu og prófaðu!

Citroën Ë-C4 er með snjallmiðstöð með tímastillingu á forhitun á innra rými sem tryggir ávallt heitan bíl. Hægt er að tímastilla forhitun alla vikudagana í einu; einfalt og þægilegt. Fjarstýrð virkni gerir kleift að fjarstýra forhitun í MyCitroen® appinu. Einnig er einfalt er að tímasetja, stöðva og virkja hleðslu í MyCitroen® appinu ásamt því að vera með yfirsýn um bílinn þ.á.m. stöðu á drægni, hleðslustöðu, þjónustuyfirlit og panta tíma á þjónustuverkstæði.

SMELLTU HÉR TIL AÐ SÆKJA IOS ÚTGÁFU

SMELLTU HÉR TIL AÐ SÆKJA ANDROID ÚTGÁFU

Citroën Ë-C4 er notendavænn og þægilegur með 10″ snertiskjá í mælaborði þar sem þú getur á auðveldan hátt speglað símanum þínum upp á skjáinn. Citroën Ë-C4 er fáanlegur með GPS vegaleiðsögn, lyklalausu aðgengi með sjálfvirkri opnun og læsingu og með framrúðuskjá (Head Up Display).

Citroën Ë-C4 er búinn framúrskarandi öryggis- og aðstoðarkerfum sem aðstoða ökumann við akstur m.a. ef þreyta gerir vart við sig. Kerfi bílsins greina hugsanlegar hættur og lágmarka þannig hættu á árekstri. Snjallhemlun sem virkar í myrkri og greinir gangandi og hjólandi vegfarendur, nálægðarskynjarar, ökumannsvaki og veglínustýring sem aðstoðar við að halda réttri stefnu á vegi eru dæmi um einstök öryggis- og aðstoðarkerfi í Citroën Ë-C4 rafbíl. Tryggðu þér og þínum öryggi í Citroën Ë-C4 100% rafbíl!

Í 100 kW hraðhleðslustöð nærðu að hlaða Citroën Ë-C4 í 80% hleðslu á um það bil 30 mínútum.

Rafmagnsvélin gerir það mögulegt að endurheimta stöðuorku sem verður tiltæk við hemlun eða þegar slegið er af gjöfinni. Þá hleður bíllinn drifrafhlöðuna og nýtir þannig orku sem ella hefði farið til spillis og eykur þannig drægni bílsins (B-stilling í sjálfskiptingu). Hleðsluhraði getur þó verið breytilegur eftir aðstæðum og geta t.d. útihitastig og hleðslustaða á rafhlöðu haft áhrif. Brimborg hefur tekið saman ítarlegt efni um allt sem viðkemur rafbílum. Smelltu á hnappana hér fyrir neðan og kynntu þér málið.

Citroën Ë-C4 er með 7,4 kW innbyggðri eins fasa hleðslustýringu en er einnig fáanlegur með öflugri 11 kW innbyggðri þriggja fasa hleðslustýringu til að auka hleðsluhraða. Þú hleður Citroën Ë-C4 í 20-80% hleðslu með íslenskri raforku á 4 klukkustundum og 40 mínútum með 7,4 kW hleðslustýringu og á 3 klukkustundum og 10 mínútum með 11 kW hleðslustýringu. Í 100 kW hraðhleðslustöð nærðu 80% hleðslu á um það bil 30 mínútum.

Brimborg hefur tekið saman ítarlegt efni um allt sem viðkemur rafbílum. Smelltu á hnappana hér fyrir neðan og kynntu þér málið.

Stærð drifrafhlöðunnar í Citroën Ë-C4 er 54 kWh. Drægni hennar skv. WLTP mæligildi er allt að 420 km drægni sem hentar einstaklega vel í allan daglegan akstur, þar sem meðalakstur Íslendinga er 40 km á dag. Raundrægni fer eftir mörgum þáttum, s.s. hraða, aksturslagi, akstursskilyrðum, útihitastigi, notkun miðstöðvar og loftkælingu og fjölda farþega og farangurs. Orkunotkun er t.d. minni á lægri hraða. Aksturslag og aksturskilyrði hafa áhrif á drægni. Mjúk hröðun og rétt notkun hemla eða rafbremsu (B stilling á skiptingu) eykur drægni og sparar orku. Útihitastig, notkun á miðstöð og loftkælingu eru allt þættir sem taka rafmagn og hafa áhrif á drægni. Forhitun á rafbíl er góð leið til að hámarka drægni þar sem ekki þarf að eyða rafmagni til að hita eða kæla bílinn í upphafi aksturs. Þyngd bílsins hefur eins og gefur að skilja áhrif á drægni og því geta fullur bíll af farþegum og farangri haft áhrif á drægnina.

Söluráðgjafar Citroën veita alla ráðgjöf um hleðslu og uppsetningu hleðslustöðva. Hleðslutími getur verið breytilegur af margvíslegum ástæðum t.d. eftir því hvernig tengillinn er, eftir því hversu öflug hleðslustöð er notuð og hversu öflug innbyggð hleðslustýring bílsins er. Einnig hefur hitastig rafhlöðu og útihitastig ásamt álagi hleðslustöðvarinnar áhrif. Sérfræðingar mæla með hleðslu, raf- og tengiltvinn rafbíla með heimahleðslustöðvum. Venjulegir heimilistenglar eru ekki ætlaðir til langtímahleðslu. Brimborg hefur tekið saman ítarlegt efni um allt sem viðkemur rafbílum. Smelltu á hnappana hér fyrir neðan og kynntu þér málið.