Sjáðu Citroën C3

Hefð Citroën fyrir framúrstefnulegri og glæsilegri hönnun öðlast nýtt líf með nýja Citroën C3. Citroën er fyrir kröfuharða kaupendur sem kunna að meta sönn gæði og fallega hönnun. Línur nýja C3 eru skýrari en forverans, án þess að missa mýktina og sérstöðuna.

Kvikur og kraftmikill. Nýi C3 sameinar allt það sem Citroën hefur að bjóða. Fágun, stíl, gæði, öryggi og akstursgleði á vistvænum bíl. Með Citroën C3 færðu allt sem þú sækist eftir.

Sjáðu nýsköpun í bílahönnun, sjáðu nýja Citroën C3.

Sem aukabúnað má fá sérstaka framrúðu sem Citroën kalla Zenith, vegna þess hve langt yfir ökumanninn rúðan nær. Zenith rúðan er listaverk út af fyrir sig. Hún teygir sig hátt upp yfir framsætin og gefur tilkomumikið útsýni og örugga yfirsýn. Þessi nýja tæknihönnun gefur nánari tengsl við umhverfið og frelsistilfinningu fyrir bæði bílstjóra sem og farþega þegar bíll og umhverfi verða eitt.

Hönnun Zenith framrúðunnar er glæsilegt dæmi um nútíma iðnhönnun þar sem gler og stál sameinast á fullkominn hátt. Efsti hluti rúðunnar er skyggður til að vernda ökumann og farþega fyrir sterkum geislum sólarinnar en samt næst sú rýmistilfinning sem svo tilfinnanlega skortir í mörgum bílum nútímans.

Sestu inn í ökurými nýja Citroën C3 og upplifðu. Gæði og glæsileg hönnun er áberandi hvert sem litið er. Útlitið er innblásið af stjórnklefa í flugvél með skýru mælaborði þar sem öll stjórntæki eru aðgengileg og einföld. Þannig geturðu beint óskiptri athygli þinni að akstrinum.

Nýi Citroën C3 er einstaklega hljóðlátur. Titringur, veghljóð og hávaði vegna regns og vinda er í algjöru lágmarki. Njóttu.

Leggðu hendurnar á svipmikið stýrið og láttu þig hlakka til einstakrar akstursupplifunar. Góða ferð í nýja Citroën C3.

Ný vélalína

Með nýja Citroën C3 kynnir Citroën nýja kynslóð vistvænna véla. Fjölbreytt úrval bensín- og dísilvéla. Sú vistvænasta, Airdream útgáfan, gefur aðeins frá sér 93 g/km af koldíoxíði og eyðir 3.7 lítrum á hundraði í blönduðum akstri.

C3 verndar þig

Mikil áhersla var lögð á öryggi við hönnun nýja C3. Ökumaður og farþegar eru sérstaklega vel varðir þar sem hlutar yfirbyggingarinnar í kringum farþegasætin hafa verið styrktir sérstaklega svo að aðrir hlutar láti fyrr undan við árekstur. Þar að auki eru sex loftpúðar í bílnum.

Sem dæmi um aukabúnað nýja C3 má nefna hljóðmerki sem bíllinn gefur ef hann fer of nálægt hindrun, sem gerir auðvelt að leggja bílnum þar sem rými er takmarkað.

Þá er í boði tækni sem lætur vita hvenær ákjósanlegast er að skipta um gír þannig að aksturinn verði sem umhverfisvænastur og eldsneytissparnaðurinn sem mestur.

Þar fyrir utan er bíllinn útbúinn hátækniöryggisbúnaði svo sem ABS bremsum með EBD bremsujöfnunarbúnaði og ESP stöðugleikastýrikerfi.

Sjáðu framúrstefnulega hönnun Citroën. Komdu í Brimborg og sjáðu hvernig aðrir bílar munu líta út eftir fáein ár. Vertu á undan þinni samtíð. Veldu sjálfsstæði.

Spyrðu um fyrirmyndarþjónustu Brimborgar. Sjáðu Citroën.